ياعراق يمته تصفى وللوكت تلتفت

عراق

يمته تصفى وللوكت تلفت
الك يوميه موته ومامتت
ادري انته ماتهوى الفراك
انته حنيه اووفه انته تاريخك عراك
انته بحر الجود ماضيك كريم
انته للحاضر وفه وتجوع وتشبع اليتيم
ياعراق شبيك ماتصفه
ابد ليلك صبح وجفنك فلا يغفه
كافي دمع ياعين موجف الجفن
انته ماتقبل تعيش بلا كرامه ياوطن
هذا ذنبك حاسبوك
ذبحوا رجالك يتموك
تبرى من جرحك على حيلك تكوم
تنجلي الغيمه ويبين صبح وتزول من عدنه الهموم

باجر تحاسب جميع التاجر بدمك

تنصب محاكم عدل وتنصف اهلك وينزال غمك
والله شعبك ابد موهين عليه الي يصير
باجر بصوت الوطن لبيك ياصوت الفقير
ننتفظ كلنا ونهوس ترجع ايام الفاله والمكوار
احنه شعب الضيم مانام وغمض جفنه ولبس ثوبه العار
احنه شعب الملحمه وبعد السكوت انصير نار
نصبر هوايه صبرنا نفذ جايمته نطلب الثار
ارامل وايتام وثكالى
ياعدو ويلك من اولاد البسالى
لاتصدك ننسى دمك ياشهيد
احنه ولد احسين ابدا فلا نصبح عبيد
احنا حررنا الصدر وصانا على خط احسين نمشي
وابد عن خطه مانحيد

عاشق السلام